հաշմանդամ կանանց գեղեցկության 2-րդ ազգային ֆոտոմրցույթ

2005-04-06

Այսօր Նարեկացի արվեստի միությունում տեղի ունեցավ հաշմանդամ կանանց գեղեցկության 2-րդ ազգային ֆոտոմրցույթի և հաշմանդամների ստեղծագործությունների 1-ին ազգային մրցույթի մրցանակաբաշխությունը: Ֆոտոմրցույթի տաս հաղթողներ արժանացան մրցանակների:

Գլխավոր մրցանակի և Միսս Գեղեցկություն – 2005 տիտղոսին արժանացավ 17-ամյա Սվետլանա Գրիգորյանը: Ժյուրիի կազմում էին Հայաստանի մշակույթի և արվեստի կարկառուն ներկայացուցիչներ:

Մրցանակները տրամադրվել էին Նարեկացի արվեստի միության, «Զիգզագ էլեկտրոնիքս» խանութի, «Նոյյան տապան» գրախանութի, «Սվոչ», «Բրաբիոն Ֆլորա սերվիս», «Ակումբ» ընկերությունների, Մարդու իրավունքների պաշտպանի և «Ունիսոն» ՀԿ-ի կողմից: