Հոկտեմբերի 26-29-ին «Մոսկվա» կինոթատրոնի այցելուներին ներկայացվեց յուրատեսակ մի ֆոտոցուցահանդես, որի նախաձեռնողը «Ունիսոն» հասարակական կազմակերպությունն էր: «Շրջանակից այն կողմ» խորագրի ներքո համախմբված լուսանկարներում պատկերված էին հաշմանդամություն ունեցող ֆոտոմոդելներ: Այս համարձակ և Հայաստանի համար նորարարական նախագիծն իրականացվեց Բաց Հասարակության Հիմնադրամներ - Հայաստանի ֆինանսավորմամբ «Բազմազանության խթանում հանուն հավասարության» ծրագրի շրջանակներում:[ԿԱՐԴԱԼ ԱՎԵԼԻՆ]

«Ունիսոնը» 10 տարեկան է: Այսօր մենք հպարտանում ենք հաջողությամբ իրականացված ծրագրերով, ձեռքբերումներով, հարուստ գործընկերությամբ և բազմաթիվ շահառուներով:

Ապրիլի 6-ին Կոմիտասի անվան կամերային երաժշտության տան դահլիճում «Ունիսոնը», ավանդույթի համաձայն, անցկացրել էր հաշմանդամություն ունեցող կանանց գեղեցկության ֆոտոմրցույթի մրցանակաբաշխության հանդիսավոր արարողությունը: Ակցիան հետապնդում է շատ ավելի կարևոր նպատակ, քան սովորական գեղեցկության մրցույթները: «Միսս Գեղեցկություն» մրցույթը հաշմանդամության ոլորտը հանրությանը ներկայացնում է բոլորովին նոր տեսանկյունից, սերմանելով այն գաղափարը, որ ցանկացած մարդ կարող է լինել գրավիչ, և գեղեցկությունը չի խամրում անգամ հաշմանդամության առկայության դեպքում: [ԱՎԵԼԻՆ]