Հաշմանդամությունը և նոր իրականությունը

2007-03-06

Այսօր «Կոնգրես» հյուրանոցում Բաց Հասարակության Ինստիտուտի և Նիդեռլանդների Կառավարության դրամաշնորհային ծրագրի շրջանակներում «Ունիսոն» ՀԿ-ն անցկացրեց մամլո ասուլիս և կլոր սեղան «Հաշմանդամությունը և նոր իրականությունը» խորագրով:

Միջոցառմանը մասնակցում էին մարդու իրավունքների և հաշմանդամության հիմնախնդիրներով զբաղվող ՀԿ-ների ղեկավարները, ինչպես նաև հայաստանյան 9 հեռուստաընկերությունների, մի քանի ռադիոընկերությունների և թերթերի լրագրողները:

Օրակարգի գլխավոր թեմաներից մեկը տարբեր տիպի հաշմանդամություն ունեցող անձանց ընտրական իրավունքի իրականացումն էր: «Ունիսոնի» գործադիր տնօրեն Արմեն Ալավերդյանը պատասխանեց լրագրողների բազմաթիվ հարցերին: Միջոցառման ընթացքում արծարծվեցին հետևյալ թեմաները`
սայլակ օգտագործող մարդկանց համար ընտրական տեղամասերի
մատչելիությունը, կույր ընտրողների քվեարկության իրականացման համար համապատասխան պայմանների ապահովումը,
նախընտրական շրջանում խուլ ընտրողների իրազեկության հնարավորության ստեղծում:

ՀԿ-երի ներկայացուցիչները քննարկեցին համագործակցության նոր տարբերակներ և տեղեկատվության փոխանակման նպատակով ստորագրեցին համագործակցության Հուշագիր: