Հանդիպում Սպիտակի քաղաքապետի հետ

2013-05-26

Մայիսի 16-ին կայացավ «Ունիսոնի» գործադիր տնօրեն Ա.Ալավերդյանի և հասարակայնության հետ կապերի պատասխանատու Մարիաննա Չալիկյանի հանդիպումը Սպիտակի քաղաքապետ Գագիկ Սահակյանի հետ։ Քննարկվեցին Սպիտակ քաղաքում գործող «Ունիսոնի» մասնաճյուղի զարգացման հեռանկարները և քաղաքում հաշմանդամություն ունեցող անձանց սոցիալական ներառման համար բարենպաստ պայմանների ստեղծման հարցերը։ Պարոն Սահակյանը նշեց, որ Սպիտակում բնակվում են հաշմանդամություն ունեցող բազմաթիվ մարդիկ, և քաղաքապետարանը պատրաստ է սերտորեն համագործակցել «Ունիսոնի» հետ, նպատակ ունենալով զգալիորեն բարելավել հաշմանդամ սպիտակցիների կենսամակարդակը։