Հաշմանդամություն և մարդու իրավունքներ

2006-11-03

Այսօր «Ունիսոն» ՀԿ անձնակազմը այցելեց Վանաձոր՝ «Լոռի-TV» հեռուստաալիքով մասնակցելու «Հաշմանդամություն և մարդու իրավունքներ» թեմային նվիրված թոք-շոուին: Հաղորդմանը ներկա էին հասարակական կազմակերպությունների` Հելսինկյան քաղաքացիական ասոցիացիայի վանաձորյան մասնաճյուղի, «Լուսաստղ» ՀԿ-ի, Լոռու մարզի խուլ մարդկանց միության ներկայացուցիչներ, նաև մարզպետարանի ներկայացուցիչ Վալերի Ջաղինյանը և այլ շահագրգռված պաշտոնյաներ:

Կազմակերպիչների հիմնական գաղափարն էր՝ անհրաժեշտ է հաշմանդամության նկատմամբ կիրառել մարդու իրավունքների մոտեցումը, այլ ոչ զուտ թե բժշկական և սոցիալական օգնության մոտեցումները:

Քննարկումները ընթացան ինտերակտիվ ոճով: ՀԿ-ների ներկայացուցիչները խոսեցին այն խոչընդոտների մասին, որոնց հանդիպում են իրենց աշխատանքի ընթացքում, նոր հնարավորությունների ստեղծման համար տարվող պայքարի և խնդիրների լուծումների վերաբերյալ:
Ոլորտի շուրջ քննարկումները կշարունակվեն առաջիկա թոք-շոուների ընթացքում: