Սեմինարներ խտրականության մասին

2021-04-22

Եվրոպայի խորհրդի աջակցությամբ իրականացվող «Պայքար հաշմանդամության հիմքով խտրականության դեմ» ծրագրի շրջանակներում մարտի 26-ին, ապրիլի 2-ին և 13-ին «Ունիսոն» ՀԿ-ն անցկացրեց երեք սեմինար ՀԿ-ների, հաշմանդամություն ունեցող կանանց և հաշմանդամություն ունեցող անձանց համար։ Սեմինարները վարեց ծրագրի ղեկավար Արմեն Ալավերդյանը։

Բանախոսներն էին փաստաբան, Եվրոպայի խորհրդի միջազգային փորձագետ Արա Ղազարյանը, ՀՀ մարդու իրավունքների պաշտպանի աշխատակազմի Հաշմանդամություն ունեցող անձանց իրավունքների պաշտպանության բաժնի պետ Մոնիկա Սարգսյանը և խտրականության ոլորտի փորձագետ

Սերգեյ Հարությունյանը։ Անդրադարձ կատարվեց հաշմանդամության հիմքով խտրականության տարբեր ձևերին և դրանց հաղթահարման ուղիներին։ Բանախոսները նաև պատասխանեցին մասնակիցների հարցերին։ Տեղի ունեցավ մտքերի փոխանակում, որի ընթացքում մասնակիցները կիսվեցին իրենց փորձով և մտահոգություններով։

Սեմինարներն իրականացվեցին «Արդարադատության մատչելիության խթանում Արևելյան գործընկերության երկրներում խտրականության, ատելության հիմքով կատարվող հանցագործությունների և ատելության խոսքի զոհերի համար» ծրագրի շրջանակներում, որը ֆինանսավորվում է Եվրամիության և Եվրախորհրդի կողմից և իրականացվում է Եվրոպայի խորհրդի կողմից։ Սեմինարների ընթացքում հնչեցրած տեսակետները չեն արտահայտում որևէ կողմի պաշտոնական կարծիքը: